Қазақстанда білім гранты 50%-ке артады

Қазақстанда 2025 жылға қарай білім гранттарының саны 50 процентке артады. Бұл туралы премьер-министр Асқар Мамин мәлімдеді, деп хабарлайды Sputnik Қазақстан. “Жоғары білім қолжетімді болу үшін 2025 жылға қарай гранттар саны 50 пайызға артады. Жыл сайын жас ғалымдарға 1000 грант бөлініп, 500 қазақстандық ғалым әлемге танымал ғылыми орталықтарда тағылымдамадан өте алады”, – деді Мамин. Бұдан бөлек, премьер-министр 2024 жылға қарай педагогтардың жалақысы мен студенттердің шәкіртақысы екі есе өсетінін айтты. 800 жаңа мектеп салынып, 5 000 ауыл мектебі жаңартылады. Колледждерде 9 сынып негізінде білім беру толығымен тегін болады.