Мектеп асханаларына қойылатын талап күшейеді - Авторадио Казахстан

Мектеп асханаларына қойылатын талап күшейеді. Тамақтану нормалары қайта қаралды. Енді жеткізушілерден СЭС қорытындысы міндетті түрде сұралады. Тегін тамақ алушылардың есебі цифрланады. Мектеп асханаларындағы күнделікті бақылау бракераждық комиссиялар арқылы жүзеге асырылады. Оқу-ағарту министрлігі осылай деп хабарлайды. Бұл – мектептердегі тамақтану сапасын жақсарту үшін қолданылған бірқатар жүйелі шараның бірі. Жалпы мектептердегі тамақтану сапасына мемлекеттік бақылауды Денсаулық сақтау министрлігінің Санитариялық-эпидемиологиялық бақылау комитетінің аумақтық бөлімшелері атқарады. Бүгінде білім беру ұйымдарына арналған жаңа тамақтану стандарты әзірленіп жатыр.