АҚШ президентінің кедендік тарифтер енгізу шешімі әлем елдерінің алаңдаушылығын тудырды

АҚШ президентінің кедендік тарифтер енгізу шешімі әлем елдерінің алаңдаушылығын тудырды. Еуропа, Қытай, Жапония мен Канада бұл қадамды сын тезіне салды. Тіпті қарсы шаралар дайындап жатыр. Аталған бастамаға алғашқылардың бірі болып Еуропа қарсы шықты. Еуропалық комиссияның төрағасы Урсула фон дер Ляйен: «Бұл – жаһандық экономикаға жасалған ауыр соққы. Аталған шешімнің салдары миллиондаған адамға әсер етуі мүмкін», – деді Самарқандта өткен ЕО–Орталық Азия саммитінде.