Атырау қаласында үш адамды ескерткіш басып қалған

Атырау қаласында үш адамды ескерткіш басып қалған. Қалада дауыл тұрып, жауын жауған соң олар ескерткішке барып ықтаған. Әке мен екі баланың жағдайы қазір ауыр. Баланың бірі – 9 жастағы ұл, екіншісі 6 жастағы қыз. “Ұлдың қолы екі жерден сынған, басынан жарақат алған. Ал күйеу баламның екі тізесі жараланған, бір тізесі мүлдем күп болып ісіп кеткен, жүре алмайды. Қолы мен екі қабырғасы сынған”, – дейді баланың нағашы атасы Максим Меңдіғожин. «Түрлі ауыр дене жарақатымен ауруханаға түсіп, жансақтау бөліміне жатқызылған 6 жастағы пациент қайтыс болды”, – дейді облыстық денсаулық сақтау басқармасы. 9 жастағы ұлдың қолына гипс салып, амбулаториялық ем қабылдауға үйіне жіберілген. Атырау әкімдігі барлық бюсті тексеруге кірісті.