25 қыркүйекте Қазақстан Каспий теңізіндегі оқу-жаттығу кезінде қаза тапқан әскери қызметшілерге байланысты аза тұтып отыр. Президент Қасым-Жомарт Тоқаев жалпыұлттық аза тұту күнін өткізу туралы өкімге қол қойды.
Нақтыланған мәлімет бойынша, теңізге 17 әскери қызметші кеткен: 12-сі қаза тапты, үшеуі құтқарылды, бір әскери қызметші ауруханада жатыр. Тағы екі адам хабар-ошарсыз кеткен, оларды іздеу жұмыстары тәулік бойы жалғасып жатыр.
Бұл күні бүкіл ел бойынша мемлекеттік тулар төмен түсірілді, ойын-сауық шаралары тоқтатылды. Телеарналар мен радиостанциялар арнайы бағдарламаларға көшті.
Оқиғаның себептерін анықтау үшін Қанат Бозымбаевтың басшылығымен үкіметтік комиссия құрылды, ал Бас прокуратура сотқа дейінгі тергеуді бастады. Президент қаза тапқан әскери қызметшілердің отбасыларына көңіл айтты.