Қазақстанда электр энергиясы қымбаттайды

Қазақстанда электр энергиясы қымбаттайды, келесі айда нақты тарифтер белгілі болады. Бұл туралы ұлттық экономика министрлігінің табиғи монополияларды реттеу комитеті төрағасының міндетін атқарушы Тимур Қосымбаев мәлімдеді, деп хабарлайды Sputnik Қазақстан. 1 шілде күні коммуналдық қызметтердің тарифін көтеруге тыйым салған мораторийдің мерзімі аяқталған. “Біздің ойымызша, қыркүйек айында қолымызда нақты сандар болады. Жалпы, қымбаттайды”, – деді Қосымбаев. Оның сөзіне қарағанда, тарифтер халықтың қалтасына салмақ түсетіндей бірден кымбаттап кетпейді, біртіндеп көтеріледі. Әрбір аймақтың әлеуметтік-экономикалық жағдайы да ескеріледі.