Ұлттық қауіпсіздік комитеті терроризм мен экстремизмге қатысы болуы мүмкін 4 қазақстандық пен 1 шетелдік азаматты қамауға алды. Астана, Шымкент қалаларында, Атырау, Жамбыл облыстарындағы арнайы шара кезінде терроризмді насихаттауға, экстремистік әрекеттерді ұйымдастыруға және осы мақсатта адамдарды тартуға қатысуы мүмкін күдіктілер анықталды. Олардан діни-экстремистік әдебиет пен өзге де заттай айғақтар тәркіленді. Күдіктілердің бірі бұған дейін шет мемлекеттің аумағында соғыс әрекеттеріне қатысып, Қазақстанда сотталған еді. Қазір қылмыстық кодекстің бірнеше бабы бойынша сотқа дейінгі тергеп-тексеру жүріп жатыр.
Все права защищены © 2024 | Республика Казахстан, г. Алматы, ул. Сатпаева, 30а Тел./факс: +7 (727) 320 10 10