Microsoft компаниясының негізін қалаушы Билл Гейтс сұраныстан түспейтін үш мамандықты атады

Microsoft компаниясының негізін қалаушы Билл Гейтс сұраныстан түспейтін үш мамандықты атады. Америкалық кәсіпкер болашақта жасанды интеллект еңбек нарығына айтарлықтай өзгеріс енгізеді дейді. Миллиардердің пікірінше, ЖИ өнеркәсіптен бастап ауыл шаруашылығы саласына дейінгі көптеген мамандықтың орнын басады. Нейрожелілер қазіргі уақытта адамның арнайы машығын талап ететін міндеттерді жеңіл атқара алады. Билл Гейтс адамның қатысуын талап ететін, қашан да сұранысқа ие бағдарламалау, биология, энергетика мамандықтары болады деді. IT-мамандары ЖИ дұрыстығына жауап берсе, биологтар – ғылыми зерттеулер мен жаңалықтар жүргізуге жауапты. Ал энергетика саласы – толықтай автоматтандыру үшін тым күрделі. 69 жастағы Гейтс жасанды интеллектінің арқасында болашақта адамдар жұмыс аптасын қысқартып, екі-үш күн ғана жұмыс істейтін жағдайға жетеді деп санайды.