Назарбаев ядролық соғыс қатері туралы айтты

Қазақстанның Тұңғыш Президенті Нұрсұлтан Назарбаев әлемдегі дағдарыс ынтымақтастыққа жаңа көзқарастарды қажет ететінін айтты, – деп хабарлайды Tengrinews.kz. “Астана клубының” отырысында сөйлеген сөзінде Назарбаев пікірталас алаңы халықаралық аренада беделді саясаткерлерді, дипломаттарды және әлемдік деңгейдегі сарапшыларды біріктіретін алаң ретінде бірегей орнын алғанын айтты. Нұрсұлтан Назарбаев өз сөзінде әлемдік сын-қатерлер мен қазіргі заманның жаһандық қауіп-қатерлеріне, соның ішінде коронавирустың таралуына, әлемдік державалар арасындағы қарама-қайшылықтың күшеюіне, Ауғанстан төңірегіндегі жағдайға және ядролық стратегиялық тұрақтылық саласындағы күрделі жағдайға ерекше назар аударды. “Биылғы жылдың басында Қиямет күні деп аталатын сағат түн ортасына жүз секунд қалғанда белгіленді. Бұл, шын мәнінде, әлем ядролық соғыстың аз-ақ алдында тұрғанын білдіреді. Әлемдегі қазіргі дағдарыстық жағдай. Үлкен Еуразиядағы ынтымақтастықтың жаңа тәсілдерін әзірлеуді талап етеді”, – деді Назарбаев.