Павлодар облысында демалыс күндеріне локдаун енгізіледі

Павлодар облысында демалыс күндеріне локдаун енгізіледі. Карантин шараларының бұлай күшеюі коронавирус жұқтырғандар санының өсуімен байланысты болып отыр. Өңірдің бас санитария дәрігерінің қабылдаған жаңа қаулысына сәйкес, қоғамдық тамақтану нысандарының жұмысы сағат 9-дан 20.00-ге дейін және жеткізу 22.00-ге дейін қысқарады. Сенбі және жексенбі күндері сауналар, салқын базарлар, сауда орталықтары, сауда үйлері, азық-түлік емес дүкендер мен қоғамдық көліктердің жұмысы тоқтатылады. Бұдан басқа, ұйымдар мен мекемелер қызметкерлерінің 80 пайызы қашықтан жұмыс істеу форматына көшеді.