Бұл туралы Жамбыл облыстық сотының ресми сайтында хабарланды. Іс тәртіпсіздікке қатысу, билік өкілдерінің заңды талаптарына белсенді түрде бағынбауға және жаппай тәртіпсіздікке шақыру мен арандату, оқ-дәрілерді жымқыру, жарақат салатын патрондар және оқ-дәрілерді заңсыз алып жүру, беру, сақтау, қызметтік үй-жайға заңсыз кіріп, бөтеннің мүлкін жасырын жымқыру баптары бойынша қаралды. Іс сотқа процестік келісіммен түскен. Айыпталушылар кінәларын мойындады. “Жасалған қылмыстардың сипаты мен қоғамдық қауіптілік дәрежесін ескере отырып, сондай-ақ процестік келісімнің шарттарына сәйкес, пробациялық бақылау белгілене отырып, әрқайсысына жаза тағайындалды. Олар жазасын орташа қауіпсіз мекемеде өтейді”, – делінген хабарламада. Үкім заңды күшіне енген жоқ.
Все права защищены © 2024 | Республика Казахстан, г. Алматы, ул. Сатпаева, 30а Тел./факс: +7 (727) 320 10 10