Тоқаев көлік жүргізушілерін қуантатын жаңалықты жеткізді

Қазақстанда көлік жүргізушілеріне автобусқа арналған жолақпен жүруге рұқсат берілуі мүмкін, деп хабарлайды Sputnik Қазақстан. “Қала ішінде автомобиль ағынын сауатты ұйымдастыру маңызды мәселенің бірі саналады. Осыған байланысты үкімет пен әкімдерге автобустарға арналған жолақтарды қарбалас болмаған кезде және демалыс күндері пайдалану мәселесін шешуді тапсырамын. Мұндай тәжірибе Мәскеу, Стамбул мен Парижде кеңінен қолданылады”, – деді президент Қасым-Жомарт Тоқаев Атырау облысының әлеуметтік-экономикалық даму мәселелері жөніндегі кеңесте. Сондай-ақ, президент қалаларда көлік қозғалысын басқарудың бірыңғай орталықтарын құру қажеттігін жеткізді.