Тоқаев Отарда комаға түскен сарбаздың ісін бақылауға алуды тапсырды. Жамбыл облысында әскерде жүргенде комаға түскен 19 жастағы сарбаз Нұржігіт Әбділпаттаның анасы Жанна Жаналина әлеуметтік желіде Қазақстан президенті Қасым-Жомарт Тоқаевқа үндеу жариялап, көмек сұрады. Жаналина ұлы қазір ес-түссіз, арнайы аппаратпен тыныс алып жатқанын, жағдайы әлі қиын екенін айтты. Президенттің баспасөз хатшысы Берік Уәли Тоқаев үндеумен танысқанын, оқиғаның мән-жайын мұқият зерттеуді және кінәлі адамдарды жазалауды талап еткенін хабарлады. Президент қорғаныс министріне әскерде мұндай жағдайға жол бермеу қажетін ескертіп, тергеу амалдарын бақылауға алуды тапсырды деді Берік Уәли.
Все права защищены © 2024 | Республика Казахстан, г. Алматы, ул. Сатпаева, 30а Тел./факс: +7 (727) 320 10 10