Ұтыс ойындарын өткізіп, жеңіл ақша тапқысы келетін блогерлерге бақылау күшейеді

Ұтыс ойындарын өткізіп, жеңіл ақша тапқысы келетін блогерлерге бақылау күшейеді. Олар 8 миллион теңгеге дейін айыппұл арқалауы мүмкін. Таяуда мәжілісте депутаттар инфлюенсерлердің жұмысын қатаң бақылауға алуды ұсынған еді. “Қазақстанда құқығы бар бір-ақ ұйым жұмыс істеп келеді. Әлеуметтік желіде қазір лотерея ойнайтындар қаптап кетті. 10 мыңға жуық лотерея ойналып жатыр. Мұның бәрі заңға қайшы. Үкіметке нақты тапсырма берілді”, – дейді мәжіліс депутаты Ерлан Саиров. Жыл басынан бері жасалған мониторинг бойынша 2 мыңға жуық интернет алаяқтық анықталып, мың жарым интернет-ресурсы шектелген.