Василий Жиров Париждегі жазғы Олимпиада ойындарындағы боксшылардың сәтсіз өнер көрсетуінің себептерін айтты. Бокстан тәуелсіз Қазақстан тарихындағы тұңғыш Олимпиада чемпионы Василий Жиров отандастарымыздың алтын жүлде еншілей алмағаны өкінішті екенін жеткізді. “Токио Олимпиадасындағыдай боксшыларымыз тағы да алтын медальға қол жеткізе алмады. Өкінішті. Мұндай нәтижені толықтай сәтсіздік деп айтуға болмайды. Дегенмен, өзбекстандық боксшылармен салыстырғанда, иә, бұл нәтижені төмен деп айтуға болады. Атқарылуға тиіс жұмыс көп”, – деді Василий Жиров. Ол Париж Олимпиадасындағы сәтсіздікті дұрыс емес жаттығу әдістерімен немесе эмоционалды дайындықтың жеткіліксіздігімен байланыстыратынын атап өтті. Оның айтуынша, Өзбекстан құрамасының осы бағыттағы тыңғылықты жұмысы оларды жетістікке жеткізді.
Все права защищены © 2024 | Республика Казахстан, г. Алматы, ул. Сатпаева, 30а Тел./факс: +7 (727) 320 10 10