Қызмет кезінде қаза тапқан полиция қызметкері Шалхар Байжомартов “Айбын” ІІІ дәрежелі орденімен марапатталды

Қызмет кезінде қаза тапқан полиция қызметкері Шалхар Байжомартов “Айбын” ІІІ дәрежелі орденімен марапатталды. Мемлекеттік награданы марқұмның әкесіне ҚР Ішкі істер министрінің орынбасары Айдар Сайтбеков табыстады. Ол отбасына көңіл айтып, аға лейтенант Байжомартовтың ерлігі мен қызметіне адалдығын атап өтті. «Шалхар Байжомартов өз өмірін құрбан ете отырып, Отанына адал қызмет еткенін дәлелдеді. Полиция аға лейтенанты Шалхар Байжомартов мәңгілікке өз қызметіне адал, ерлікке толы офицер ретінде есте қалады», — деді Айдар Сайтбеков.