СҚО «сары аймаққа» өтті

Мұның алдында бұл аймақ вирус жұқтыру қауіптілігі бойынша «жасыл аймақта» болды. Өңірде өткен тәулікте 25 адам коронавирус жұқтырған. Қалған облыстардағы эпидахуал жағдайы өзгеріссіз. Сонымен Ақмола, Қарағанды, Павлодар, Батыс Қазақстан облыстары, Нұр-Сұлтан және Алматы қалалары «қызыл аймақта». «Сары аймақта» Алматы облысы, Ақтөбе, Атырау, Шығыс және Солтүстік Қазақстан өңірлері мен Шымкент қаласы бар. Ал «жасыл аймақта» Маңғыстау, Түркістан, Жамбыл, Қызылорда және Қостанай облыстары орналасты.