Түркістан облысында баланы аяусыз ұрған тәрбиеші жұмысынан қуылды

Бұл жағдай Келес ауданындағы жеке меншік балабақшалардың бірінде болған. Желіде тәрбиешінің баланы ұрған сәтінің бейнежазбасы тарады. Облыстық білім басқармасы тергеу құпиясын алға тартып, тәрбиеші жөнінде мағлұмат беруден бас тартты. “Тәрбиеші жұмыстан шығарылды. Баланың анасы полиция бөліміне арыз түсірді, арыз бойынша”Ақмаржан” балабақшасы тәрбиешісінің үстінен қылмыстық іс қозғалды”, – деп хабарлады Түркістан облысының білім басқармасы.