Алматыда коронавирус инфекциясының көрсеткіші артып келеді

Алматыда коронавирус инфекциясының көрсеткіші артып келеді. Бұл туралы қаланың бас санитария дәрігері Жандарбек Бекшин мәлімдеді. «Ахуал салыстырмалы түрде алғанда қазір тұрақты. Ауру жағдайлары кезең кезеңімен артып келеді. Айдың басында күніне 3-5 жағдай тіркелсе, қазір күніне 15-20 адам тіркеледі», – деді Жандарбек Бекшин. Алматыда COVID-19 тіркелгелі бері 14 622 жағдай лабораториялық жолмен расталды. Оның 8 791-і симптомды, 5 871-і симптомсыз болып отыр. 1 тамыздан бастап (коронавирус пневмониясы есебі енгізілген кез) 998 коронавирус пневмониясы тіркелген.