“Баланы қағып, ойын алаңына соғылған”. Алматыда жол апаты видеоға түсіп қалды

Алматыда тұрғын үй кешені ауласында жылдамдықпен келе жатқан көлік баланы қағып кетті, – деп хабарлайды Tengrinews.kz. Куәгерлердің айтуынша, оқиға Алма-сити-5 шағынауданында болған. Видео әлеуметтік желіде тарап кетті. Кадрларға қарағанда, жүргізуші алдымен жолдың қарсы бетінен жүгіріп шыққан баланы қағып, кейін ойын алаңына соғылған. Оқиға кезде алаңда басқа балалар болмаған. Daewoo көлігінің жүргізушісі ауламен батыс бағытта келе жатып, 7 жастағы баланы қағып кеткен. Бала дене жарақаттарымен қалалық ауруханалардың біріне жеткізілген. “ЖКО дерегін Наурызбай аудандық Полиция басқармасының қызметкерлері тергеп жатыр”, – деді Алматы қалалық ПД өкілдері.