Ердоған коронавирусқа қарсы вакцина салдырды

Түркия президенті Режеп Тайып Ердоған БАҚ өкілдерінің алдында қытайлық вакцина CoronaVac-тың бірінші дозасын қабылдады. Бұл туралы Anadolu агенттігі хабарлады. Анкарадағы қалалық ауруханалардың бірінде жасалған процедура халыққа тікелей эфир барысында көрсетілген. Процедура аяқталғаннан кейін Ердоған Twitter парақшасында жазба жариялады. Ол Түркияда COVID-19-ға қарсы вакцина салдырған медициналық қызметкерлер саны 254 мыңнан асқанын хабарлаған. Ел президентінің айтуынша, Түркияға тағы коронавирусқа қарсы вакцинаның 25-30 млн дозасы әкелінеді.