Нұр-Сұлтан тұрғынынан 40 миллион теңгенің тауары тәркіленді

Елордалық тәртіп сақшылары есірткіні аса ірі көлемде сатты деген күдікпен 32 жастағы ер адамды ұстады. Күдіктіден бір жарым келіден астам синтетикалық есірткі тәркіленді, деп хабарлады Нұр-Сұлтан қалалық полиция департаменті. Күдікті оны Теміртау, Атырау және Павлодар қаласына сатуға жібермек болған. Тәркіленген заттың жалпы салмағы 1,5 килограмнан астам “A-PVP” синтетикалық есірткі немесе 5 000 дозадан асады. Мұндай көлемдегі есірткінің қара нарықтағы құны 40 миллион теңгенің шамасында бағаланады. Қазіргі кезде ұсталған адам қамауға алынып, тергеу амалдары жүргізілуде.