Шығыс Қазақстан облысында атом электр станциясы салынуы мүмкін

Энергетика министрі Мағзұм Мырзағалиев осылай деді. “Бұл мәселе сегіз жылдан бері талқыланып келеді. Осы уақыт ішінде әртүрлі жер учаскесі сейсмикалық, инфрақұрылым, тұтыну негізінде зерттелді. Қазір екі орын бар. Бірі – Алматы облысындағы Үлкен ауылы, екіншісі – Шығыс Қазақстан облысындағы Курчатов қаласы. Сейсмикалық жағынан қолайлы. Инфрақұрылым тұрғысынан басым жақтары көп. Өйткені осы жерден 500 киловольт “Солтүстік – Оңтүстік” электр желісі өтеді. “Самұрық-Қазына” жанынан ұйымдастырылған жобалық топ барлық зерттеуді жүргізуі тиіс”, – деді Мырзағалиев.