Түркия Turkovac вакцинасын мақұлдауға өтініш берді

Түркияның денсаулық сақтау министрі Фахреттин Кожа Turkovac бойынша жұмыс аяқталуға жақын екенін айтты. Оның айтуынша, министрлік Түркияның дәрі-дәрмек және медициналық мақсаттағы бұйымдар жөніндегі ресми агенттігіне жүгінген. Түркия билігі бұл вакцинаны осы жылдың аяғына дейін коронавируспен күресу үшін бүкіл әлемде қолдануға болады деп үміттенеді. Turkovac вакцинасын Эрджияс университетінің ғалымдары Түркияның денсаулық сақтау басқармасымен бірлесіп жасаған. Клиникалық сынақтардың үшінші кезеңі аяқталуға жақын.