Алматы маңында ұшақ апатынан зардап шеккендердің жағдайы ауыр

Алматы қаласы Қоғамдық денсаулық басқармасының өкілі, Телемедицина орталығының басшысы Лаура Мырзағали осылай деп мәлімдеді онлайн брифингте. “Дәрігерлер ұшақ апатына ұшырағандардың өмірі үшін күресіп жатыр. Қазір науқастар №4 қалалық ауруханада. Тез сауығып кетуін тілейміз. Әзірге жағдайлары ауыр”, – деді Лаура Мырзағали. Айта кетейік, 13 наурыз күні Алматы әуежайы маңындағы Қызылту ауылында Ұлттық қауіпсіздік комитеті әуе қызметінің АН-26 әскери ұшағы апатқа ұшырады. Ұшақ бортында болған алты кісінің төртеуі қаза тауып, екеуі ауруханаға жеткізілген еді.