1 доллар – 500 теңге? Ұлттық банк өкілі болжамын айтты

Ұлттық банк төрағасының орынбасары Ақылжан Баймағамбетов доллар бағамы жөнінде сұраққа жауап берді, деп хабарлайды Ulysmedia.kz. «Ұлттық банк ештеңе жасырмайды. Әр ай сайын керекті ақпараттың бәрін жариялап отырмыз. Теңге бағамына әсер ететін факторлар да сипатталған», – деді ол Сенаттың кулуарында. Яғни «күні ертең 1 доллар 500 теңге болып кетпей ме?» деген сұраққа шенеунік «жоқ» деп жауап берді. «Ертең 500 теңге болмайды. Бұл бағытта Ұлттық банктің ресми позициясы өте жіті жазылған», – деді Баймағамбетов.