Енді ел тұрғындары баспана кезегіне тұра алады - Авторадио Казахстан

Енді ел тұрғындары баспана кезегіне тұра алады. Бұған дейін белгілі бір санаттағы азаматтар ғана тұрғын үй кезегіне тұра алатын. Баспана кезегінің жаңа форматы келер жылы мамырдың 24-і ашылады. Оны басқару әкімдіктерден ұлттық даму институты “Отбасы банкіне” ауысады. Мемлекеттік тұрғын үй кезегіне тұрудың бірнеше шарты бар. Ол: соңғы бес жылда жеке тұрғын үйіңіздің болмауы; Жалғыз баспанаңыздың қауіпті деп танылуы. Баспана бөлер кезде тұрғынның кезекке тіркелген күні ескеріледі. Әлеуметтік осал топтар үшін басымдық сақталады: оларға бөлінген тұрғын үйдің 70 пайызы тиесілі болады.