АЛМАТЫ МЕН ҚОНАЕВТА ЕНДІ КӨЛІК КЕПТЕЛІСІ АЗАЮЫ МҮМКІН

Алматы мен Қонаев қалалары арасындағы автожол мен теміржол желісін қатар дамыту қажет. Бұрын екі ортада арнайы электр пойызы қатынайтын еді. Президент осы үрдісті қалпына келтіруді тапсырды, деп хабарлайды «Хабар 24». Осылайша Алматы маңындағы көлік кептелісін азайтуға болады. Сондай-ақ Мемлекет басшысы Алматы облысының мегаполис жанында тұрғанын әрі Қытаймен шектесетінін атап өтті. Яғни аймақ-аралық көлік дәліздерін дамыту аса маңызды. «Бұл өңірдің ғана емес, тұтас елдің дамуына септігін тигізеді», – деді Президент