Атырау облысында карантин мерзімі екі аптаға ұзартылды

Атырау облысында карантин мерзімі екі аптаға ұзартылды. Облыстың бас санитария дәрігерінің тиісті қаулысына сәйкес, карантин уақыты 28 қыркүйектен 12 қазан аралығын қамтиды. Шектеу шарасы аймақта COVID-19 таралуын болдырмау мақсатында қолға алынды. Осы уақыт ішінде ойын-сауық мекемелерінің, кинотеатрлардың (ашық аспан астында жұмыс жасайтындарды қоспағанда) қызметіне тыйым салынды.

Ұйым кеңселерінде қызметкерлер 50% -тен аспауы керек. Алайда қоғамдық тамақтану объектілеріне сағат 08:00-ден 00:00-ге дейін жұмыс істеуге, оның ішінде сауда үйіндегі бөлек үй-жайларда орналасқан мекемелерге рұқсат етілді. Ал ашық жерлерде 50-ден көп қонақ болмауы керек, бір отбасы мүшелерінен өзгелері кем дегенде 2 метр арақашықтықты сақтау қажет. Бір орынға 4 адамға ғана отыруға болады.