Қазақстанда айлық жалақының орташа мөлшері аталды

Әлем елдері арасында бұл рейтингіде Қазақстан 80-орынға ие болды. Қазақстандықтардың жалақы мөлшері – 414,29 долларға тең деп хабарлайды ranking.kz. Ең жоғары жалақы Швейцарияда, Сингапурде және Аустралияда, ал ең төменгі жалақы Шри-Ланкада тіркелген. Қазақстанда биылғы бірінші тоқсандағы орташа айлық жалақы 285,4 мың теңгеге жеткен. Былтыр ол – 230,8 мың теңге болған. Өңірлер арасында ең жоғары жалақы мұнай-газ өндіретін аймақтарда тіркелген. Атырау облысында 477,9 мың теңге. Екінші орында – Маңғыстау облысы. Онда – 416,2 мың теңге. Көшбасшы өңірлер үштігін елорда түйіндейді, онда – 366,5 мың теңге. Ең төменгі жалақы Солтүстік Қазақстан облысында тіркелген, онда – 203,4 мың теңге.