Қазақстанда дәрі-дәрмек қымбаттады

Қазақстанда фармацевтикалық өнімдердің бағасы он айдың ішінде 13,3 процентке көтерілді, деп хабарлайды Energyprom.kz. Биыл қаңтар-қараша айларында елімізде дәрі-дәрмекті өндіру көлемі 112 миллиард теңгені құрады. Бұл өткен жылмен салыстырғанда 13,2 процентке төмен. Осы уақыттың ішінде Қазақстанда бір миллиард доллардың дәрілерін сырттан әкелген. Импорт 17,3 процентке өсті. ТМД елдеріне 101,3 миллион доллардың дәрісі жеткізілді. Бірінші орында Ресей, одан кейін кейін Беларусь мен Украина. Ал ТМД-ға кірмейтін мемлекеттерден 12 500 тонна дәрі-дәрмек жеткізілді. Жалпы құны – 900 миллион доллар. Алғашқы үштікке Қытай, Германия мен Үндістан кіреді.