Қазақстанның екі облысында блок бекеттер мен санитарлық бекеттер орнатылды. Бұл туралы ішкі істер министрі Ерлан Тұрғымбаев мәлімдеді, деп хабарлайды Sputnik Қазақстан.
“Облыстардың бас санитарлық дәрігерлерінің қаулысына сәйкес екі өңірде 4 блокбекет және 2 санитарлық бекет қойылды. Бұдан басқа, полиция қызметкерлері 299 карантиндік нысанды бақылайды”,- деді Тұрғымбаев.
Министрліктің ақпараты бойынша блок бекеттер Атырау облысында, ал санитарлық бекеттер Ақтөбе облысында қойылған.
Сонымен қатар, құқық қорғау органдары медициналық мекемелердің сұрауымен науқаспен байланыста болған адамдардың мекенжайын анықтау бойынша жұмыс жүргізуде.
Республикада карантин шараларын қамтамасыз етуге күн сайын 10 мыңға жуық полицей, Ұлттық ұлан әскерилері және шамамен 1000 ерікті жұмылдырылады.