Қоқыс үйіндісінен Елтаңба мен прокуратура тақтайшасы табылды

Құзырлы органдар мемлекеттік символ қоқыс үйіндісінде қалай пайда болғанын анықтап жатыр. Instagram желісінде жарияланған видеода Ақтоғай ауданының прокуратурасының тақтайшасы жатқаны көрсетілген. Оның жанында екі Елтаңба жатыр, оның бірі сынып қалған, екіншісі бүтін. Мемлекеттік рәміздер Павлодар облысындағы ауылдардың біріндегі қоқыстан табылған. Облыстық прокуратура қызметтік тексеріс жүргізіп жатыр. Ақтоғай ауданы әкімдігінің мәліметінше, қоқыс үйіндісі Ақтоғай ауылының орталығынан екі шақырым жерде орналасқан. Павлодар облысының ақпарат және қоғамдық даму басқармасы мемлекеттік рәміздерге мұндай көзқарасқа жол берілмейтінін хабарлады.