Қостанай облысында банкроттық басқарушы компаниядан 100 миллион теңге бопсалаған

Фото: pixabay.com

Қостанай облысында банкротқа ұшыраған компанияға тағайындалған басшы 100 миллион теңге бопсалағаны үшін сотталды, – деп хабарлайды Tengrinews.kz тілшісі Қаржы мониторингі агенттігінің баспасөз қызметіне сілтеме жасап. “ҚМА Қостанай облысы бойынша департаменті қомпанияның банкроттық басқарушысы, коммерциялық ұйымның бас директоры мен құрылтайшысынан борышкерлер тізіміне енгізу үшін 100 миллион теңге, ірі көлемде ақша бопсалағанын анықтады. Күдікті ЖШС бас директоры мен құрылтайшысынан келісілген соманың жартысын, яғни 50 миллион теңге алып жатқан жерінде ұсталды”, – делінген хабарламада. ҚМА мәліметінше, ер адам қылмыстық құқық бұзушылық жасағаны үшін кінәлі деп танылып, оған 8 жыл 5 айға бас бостандығынан айыру жазасы тағайындалған.