Шығын есептеліп, резервтен қаржы бөлінеді. Ұлттық экономика министрі Әлібек Қуантыров үкімет отырысында осылай деді. Өрт 2 қыркүйекте Қостанай облысының екі орман шаруашылығының аумағында басталған. Қыркүйектің 3-і күні Әулиекөл ауданында өрт салдарынан бірнеше ауыл тұрғындары қауіпсіз жерге көшірілді. 4 қыркүйекте өрт аумағы 43 мың гектардан асты. 5 қыркүйекте Қазақстан президенті Қасым-Жомарт Тоқаев жұмыс сапарымен Қостанай облысына барды. Мемлекет басшысы өртті жою барысына баға берді. Ол өрт болған аумақты тікұшақпен аралап, төтенше жағдайдан сабақ алуға шақырды. Президент өрттен зардап шеккендермен кездесті.
Все права защищены © 2024 | Республика Казахстан, г. Алматы, ул. Сатпаева, 30а Тел./факс: +7 (727) 320 10 10