Қазақстандық салықшылар мобильді аударымдар арқылы жеке тұлғаның кәсіпкерлікпен айналысып-айналыспайтынын анықтайды. Бір жеке тұлғаның ағымдағы банк шотына қатарынан күнтізбелік үш ай ішінде 100 және одан да көп әртүрлі тұлғадан ақша түссе, онда бұл операциялар кәсіпкерлік қызметтен кіріс алу белгілері бар операциялар қатарына жатқызылады. Тиісті түзетулер Салық кодексіне енгізілді. Сондай-ақ банктердің мұндай операциялар бойынша мәліметтерді Қаржы министрлігі мемлекеттік кірістер комитетіне беру ережелері де әзірленді. Осылайша банктер мен ұйымдар сұрау салған күннен бастап 20 жұмыс күні ішінде кәсіпкерлік қызметпен айналысуы мүмкін деген азаматтардың аударымдары бойынша деректерді мемлекеттік кірістер комитетіне тапсырады. Кәсіпкерлік қызмет белгілері бар мобильді төлемдер бойынша мәлімет алмасу 2025 жылдан бастап енгізіледі деп жоспарланып отыр.
Все права защищены © 2024 | Республика Казахстан, г. Алматы, ул. Сатпаева, 30а Тел./факс: +7 (727) 320 10 10