Ертең Токио Олимпиадасында еркін күрес шеберлерінің бәсекесі басталады. Қазақстан атынан кілемге алғаш болып Нұрислам Санаев шығады, деп хабарлайды Olympic.kz. 57 келіге дейінгі салмақ дәрежесінде Нұрислам Санаевтың алғашқы қарсыласы – Гвинея және Бисау балуаны Диамантино Иуна Фафе. Белдесулер Нұр-Сұлтан уақытымен 08:00-де басталады. Қазақстан құрамасы жалпы есепте 71-орында тұр. Қоржында үш қола. Ал топ басына 29 алтын алып үлгерген Қытай құрамасы жайғасты. Үздік үштікті АҚШ пен Жапония түйіндеп тұр. Токиодағы бәсеке 8 тамызға дейін жалғасады.