Қаржы мониторингі агенттігі қазақстандықтарға үндеу жасады

Қаржы мониторингі агенттігі жалған ақша белгілерінің көбейіп кеткеніне байланысты қазақстандықтарға үндеу жасады, – деп хабарлайды Tengrinews.kz. “Сіздерді сақ болуға және қырағылық танытуға шақырамыз. Қаражаттарыңызды тек қана арнайы айырбастау пункттерінде немесе екінші деңгейлі банктердің бөлімшелерінде айырбастаңыз. Жалған курюра анықтау фактісі болған жағдайда Қаржылық мониторинг агенттігіне немесе полиция департаментіне хабарлаңыз”, – делінген хабарламада. Еске салайық, жалған купюраны пайдалану, төлеуге тырысу қылмыстық құқық бұзушылық болып табылады.