Бүкіләлемдік бокс қауымдастығы Головкинге суперчемпион мәртебесін берді

Головкинге бұл мәртебе ұйымның сәуірде жаңартылған рейтингінде берілген. Өткен айда қазақстандық боксшы жапон Риота Муратаны нокаутқа түсірген болатын. Олардың жекпе-жегі 9 сәуірде Сайтамада (Жапония) өтті. Айта кетейік, орта салмақтағы әлем чемпионы – кубалық Эрисланди Лара. Рейтингте ұлыбританиялық кіші Крис Юбенк көш бастап тұр, мексикалық Хайме Мунгия екінші, аргентиналық Серхио Мартинес үшінші орында. Қазақстандық Жәнібек Әлімханұлы жетінші орында.