Ішкі істер министрі бірқатар басшыны тағайындады

Министрлікте облыстық полиция басшыларының орынбасарлары және елорданың аудандық полиция басшылары лауазымдарына үміткерлер қаралды. Ведомство басшысы үміткерлердің әрқайсысымен сөйлесті. Әріптестерінің антқа адал, нәтижелі жұмыс көрсететініне сенім білдірді. Ішкі істер министрінің бұйрығымен: Түркістан облысы ПД бастығының орынбасары лауазымына Сапар Бауыржан; Көліктегі полиция департаменті бастығының орынбасары лауазымына Ерлан Жалмағамбет; Нұр-Сұлтан қаласы ПД «Есіл» аудандық полиция басқармасының бастығы лауазымына Әлібек Қожахметов; Нұр-Сұлтан қаласы ПД «Байқоңыр» ауданының полиция басқармасының бастығы лауазымына Марат Абиров тағайындалды. Айта кетейік, кадрлық тағайындаудың мұндай форматы Ішкі істер министрлігінде алғаш рет өткізілді.