Парламент депутаттары «Құрылтай туралы» Конституциялық заңды қабылдады.
Елдегі заң шығарушы жүйенің жаңа моделін бекітетін құжатқа сәйкес, Құрылтай 145 депутаттан тұрады, олар 5 жыл мерзімге сайланады. Заңда депутаттардың құқықтары мен міндеттері, парламенттік көпшілік пен оппозицияның жұмысы, сондай-ақ әдеп қағидалары айқындалған.
Сонымен қатар Құрылтайға Үкіметпен өзара іс-қимыл жасау, кадрлық тағайындауларға келісім беру және Жоғарғы Сот судьяларын сайлау өкілеттігі берілді.