WhatsApp мессенджерінде балаларды мектепке жібермеуді өтінген әйелдің аудиожазбасы тарады. Хабарлама қазақстандық ата-аналардың алаңдаушылығын туғызды. Әйел мектептерде күзетшінің орнына ОМОН сарбаздары кезекшілік етіп, оқушылар мектеп изоляторына оқшауланатынын, ал мектеп автобустары балаларды белгісіз бағытта эвакуациялайтынын айтқан. Білім және ғылым министрлігі бұл ақпаратты жоққа шығарды, деп хабарлайды Stopfake.kz. “Аудиожазбада айтылған барлық ақпарат шындыққа жанаспайды”, – деді ведомство. Сондай-ақ министрлік автобустар балаларды үйден мектепке және кері қарай тасымалдау үшін ғана пайдаланылатынын атап өтті. Ата-аналардан тек ресми ақпаратқа ғана сенуін сұраймыз, деді білім министрлігі. Ведомство мұндай көрінеу жалған ақпарат таратқаны үшін жауапкершілік қарастырылғанын еске салды.
Все права защищены © 2024 | Республика Казахстан, г. Алматы, ул. Сатпаева, 30а Тел./факс: +7 (727) 320 10 10